සැලුන් ඩි වප්ප

මෙන්න හදිස්සියේ මීටර් වූ ෂෝට් නිවුස් එකක්.

රාජගිරිය පැත්තේ අලුත් සැලුන් එකක් ඇර ඇත.ස්ථානය ජනාධිපති විද්යාලය ආසන්නයේය.‍බාබර් රජවත්ත පැත්තේ පොරකි.පොර හඳුනිගැනීම ටොයිස්ය.තට්ටය කොටට කපා ඇත.අවසන්වරට හැඳසිටියේ කහපාට ෂෝටක් සමඟ අත් කොට බැනියමකි.පිටේ හක්ගෙඩියක මාක් එකක් කොටා ඇත.

ළමාරක්ෂක අධිකාරියේ නිළධාරීන්ගේ සිට පහළට කොණ්ඩය කප්පවාගත හැකිය.මොට්ට ගෑණුන්ගේ කොණ්ඩ ස්ට්‍රේට් කරදෙනු ලැබේ.

ෆුල් එකක් -රු 10

හාෆ් එකක්-රු 5

ඇට මෝරන වයසේ කොල්ලන් සඳහා විශේෂ වට්ටම්.(උඩු රැවුල සහ යටි රැවුල කපා නොමිලේ මසාජ් එකක්ද දෙනු ලැබේ)

හාල්පාං කාපාං

''කොච්චර උණත් රට ජාතිය ගැන කැක්කුමක් තියන හිත හොඳ ගෑණි''

සීයා ග්‍රෑම් 350ක පාන් රාත්තලකුත් ගෙන ගෙට ගොඩවිය.

''කවුද සීයෙ?''මම මීටරය කරකැව්වෙමි.

''කවුරු උණාම තොට මොකද?අපේ දේශීයත්වය ආරස්සා කොරන්න එන මේ වගේ බබලත් ඇත්තියන්ව වාසනා කොරන්ඩ ඕන.''

සීයා තාම දුවන්නේ මද්යම තරංග මීටර් වල බව මට අවබෝද විය.

සීයා ඇප් ඇම් චැනල් දුවන හයි ප්‍රීකුවන්සියකට හෙමිහිට මාරුකරගෙන පුල් ඉස්ටෝරිය අසාගතයුතුය.නැත්නම් සීයා ඉස්ටෝරිය මුළුමණින්ම කොයිල් කරන අතර මගේ පිස්සු ට්‍රිබල් වීමටද ඉඩ ඇත.

''ඉතිං ඉතිං සීයෙ මොකද්ද උණ සන්තෑසිය"
''බොලං කොලුවො මං පාං රත්තලක් ගන්න ජෝං බාස්ගෙ බේකරියට ගියා නොවැ.එතන මළ ජූලියයි.පාං පිටි මිළ ගිහිංලු.ජෝං බාස් පාං මිළ නග්ගල.කස්ටිය සැට්වෙලා ජෝං බාස්ට නෙළනව බොලං.මං යන්තං හැරමිටියෙං ඇනල උන්දැව බේරගත්ත.නැත්තං උන්දැත් අද මාළුපාං මික්ස්චර් එකටම දාන්න වෙන්නෙ.පස්සෙ හිමිං සැරේ ආරංචි කොරල බැලුවම කතාව ඇත්ත.දීර්ග කාලයක් පරියේසන කොරලලු ඔය තිරණේ ඇරං තියෙන්නෙ.අරකි කියල තියනවලු දේසීය වී ගොයියා නගා සිටුවන්න නං පාං මිල තව තව නග්ගන්ඩ ඕන කියල.පාං පිටි වලිං හදපු අරව මෙව්ව කෑවම රටේ මිනිස්සුංට දහ මර දෝසයම හැදෙනවලු.දියවැඩියාව,පොරෙසර්,කොලොස්ටොල් .....රටේ නැති ලෙඩලු.හාල් වලිං පාං හදන සිස්ටම් එක ඒකි දන්නවලු.හාල් පාං ලාබෙට දෙන්නං කියලත් කිව්වලු."

''කවුද සීයෙ ඔය ගෑණි හැබෑටම?"

''හිටහං බලන්න මටත් හරියට මීටර් නැහැ බොලං,අර මූණ තැලිච්ච පූසෙකුගෙ මාක් එකක් ගහගෙන වෙළඳං කරන එකී බං''

''ඒ කවුද සීයෙ?"

''හරි හරි හිටහං මං කියන්න ......ආරියසීලි වික්කරමනායක...."

"කාගෙ කවුද සීයෙ ඒ?"

''කවුද බං දන්නෙ?රත්නසිරි වික්කරමනායක ගොයියගෙ හාමිනේ වෙන්ඩැ....''

''ඉතිං ඔය හාල් පාං කඩවල තියනවැයි?''

''ඔහේ නෑ බං."

''ඉතිං ඒව එනකං මිනිස්සු මොනා කොරන්නද සීයෙ?''

''යකෝ තොපි වගේ නොසංඩාල හැත්ත ඉන්නකං අපේ දේසීයත්වෙ දියුණු කොරංඩ වෙන්නෙ නෑ.ඇයි යකෝ වී වගා කොරපියකො.වී කොටාපියකො.හාල් ඇරං පිටි කොටාපියකො.හැම දෙයක්ම ඔක්කට වැටෙනකං ඉන්නෙ නැතුව."

''ඔය යම යුද්දෙ කොරනකොට හාල් පාං කනකොට බැරියැ.මිනිස්සු මැරිල යයි නෙවැ සීයෙ කංඩ නැතුව?''

''බොල ඔටුවො අපි ඉන්නෙ අලුත් සිලි ලංකාවක බව තොට අමතකඋණාද?සිම්පල් කේස් එකයි කොරන්න තියෙන්නෙ.පාර්ලිමේන්තුවට අළුත් පනතක් ගේනව හුදීජනයා පාං නොකෑමෙන් සුවර්ගස්තවීම රජයට කොරනලද සාපරාදී අපහාසයක් හැටියට.කොටින්ම කියනවනං පාං නොකා වලකජ්ජ ගැසීම සපුරා තහනම් කොරනව.එහෙම මළ එවුන්ට මිනී පෙට්ටි විකිණීම තහනං කොරනව.උන් වළ දැමීමත් පාංසුකූලෙ දීමත් තහනං කොරනව.ටොයිස් වැඩක්නෙ බං."

SF ගස් KP නිදහස්.......ජනතාවට අඹ සරණයි!

මේ දිනවල පිස්සාට පිස්සු තදවී ඇති බව දන්නෝ දනිති.මේ ගැන හොඳින් දන්නා බුද්ධිමතුන් අතර පද්දා හෙවත් පෙරමුණේ රාළ,සූර පප්පා,බයිනරි ආදී විද්වත්හු සිටිති.පිස්සු තදවී ඇති පිස්සන්ට අම්බානකට නෙළිමට මේ විද්වත්හු සැදී පැහැදී සිටිති.බම්බලපිටියේ මුහුදේ ගිල්ලා පිස්සකු පරළොව  යැවූ තැනද මෙවැනිම විද්වත්හු  සිටින්නට ඇත.

පිස්සන්ට පාරේ යන්නට මාර්ග නීති උවමනා නැත.ඇඳුම් උවමනාද නැත.පිස්සන්ගේ ප්‍රකාශන වලට නිසි බලධරයකුද නොමැත.එහෙවු පිස්සන් පාරේ යනවිට උන්ට ගල් ගසා හූ කියන්නට යන එකා මොකාදැයි දන්නෝ දනිති.

අද පිස්සා කියන්නට යන්නේ නවතම ඉටිකිරිස් නිවුස්සෙකකි.මෙවැනි නිවුස් හුදී ජනයා හීනෙකින්වත් අසා නැති විත්තිය පිස්සාට ෂුවර්ය.අසා ඇත්නම් ඉතින් චැනල් එක මාරු කැරගන්නවා යහපත්ය.
මේක එල්ලාවල උන්නැහැගේ පුකට පයින් ගසා පැන්නීම වැනි සද්දන්ත ආකාරයට ජහමනයා අතර ජනප්‍රිය නොවීය.රජ්ජුරුවන්ගේ පත්‍තර වලින් මෙය ටිකෙන් ටික ලීක් කරගෙන යයි.එවිට වෙනස ජහමනයාට දැනෙන්නේ නැත.කෙළින් කියන්න අමාරු ඒවා ටිකෙන් ටික ලීක් වෙන්නට ඇරීමෙන් එහි ඇති හොට් භාවය දියරු වී යන අතර පුවත් අස්වැන්න නෙළන විට දෑකැත්තෙන්ද ළිස්සා යයි.

ඉතින් මේ හදන්නේ ඒ වෙනස ඇහැට ඇඟිල්ලෙන් ඇන පෙන්නීමටයි.

"අත්වැරදීමකින් අත් අඩංගුවට පත්වූ යුගයේ ජන නායක,හිටපු සිරි ලංකා හමුදාපති කේ.පී හෙවත් කුමරන් පද්මනාදන් නිදහස්කර ඇත.මේ දිනවල එතුමා උතුරු නැඟෙනහිර සංචාරය කරමින් ජහමනයාගේ සැප දුක බලයි.තමාගේ පෞද්ගලික ධන පරිත්‍යාගයෙන් එම පළාත්වල ජනතාවට සහන සැළසීමට එතුමා දහ අතේ පොරොන්දු දී ඇත.එතුමා ඉතින් කිව්වොත් යමක් ටක්කෙටම කරන නිසා අපි පයිසෙකටවත් බය වියයුතු නැත.මේ අතර ත්‍රස්තවාදී හමුදාකාර සරත් ෆොන්සේකා එල්ලා මැරීමට තීන්දු කර ඇත.(හුරේ එකක් දාන්න....).සරත්ගේ ලොකු එකා වන ප්‍රභාකරන්ගේ පොටෝ එකක් රාමු කරගත් අමු සිංහලයකුගේ බඩ ඇතුළේ ඇත්තේ මොනවාදැයි සෙවීමට විශේෂ කමිටුවක් පත්කර ඇත."
මේ නිවුස්සෙක අසා සීයා කිව්වේ ඉස්සර කවි පොතකද ඔයිට සමාන නිවුස්සෙකක් තිබුණු බවයි.

කවිය මෙසේය;

පළමුව ඇස් ඇප් සරණේ යඤ්ඤයි

දෙවනුව කරුණා සරණේ යඤ්ඤයි

තෙවනුව කේ පී සරණේ යඤ්ඤයි

ජහමන හැම අඹ සරණේ යඤ්ඤයි.

විජයග්‍රහණයේ 13වන මස සමරණු(වස්) කවිය.The Curse Of The Conscience

අප්පා වුවද විකුණං කන මෙහව් රටේ
පප්පා වරුන් රජවෙයි නිති හැටට හැටේ
කප්පා දමා ඔළුගෙඩි මනු සතුන් කටේ
පුප්පා පිට්ටු ඔබ්බති රට හතර වටේ

බොරුවෙන් මුසාවෙන් වැසියන් බිලි බෑම
තරුවෙන් පට්ටමෙන් මිනිසුන් වැළලීම
වරුවෙන් දෙකෙන් වැඩිවන කොඳු බිඳලීම
කරුමෙන් නොවේ,වැසියනි තොපෙ රැවටීම

කඳුළැලි පුරා වැසියනි හිස බිමට නමා
වැරහැළි පැළඳ රජුහට ආවඩනු කිමා
තරු එළියෙනුදු දකිතැකි දුර නොවනු පමා
කළඑළි දකින්නට මෙය නිසි කළ ම තමා

මළ රණවිරු ලෙයින් බිම පාවඩ බන්දා
දළ බිම නොඇණු ඇත් රජු සිරගෙට කැන්දා
කළගුණ නොදත් හොර රජු කරගත් නින්දා
පළමුව මොකා හට සහගහවිද මන්දා

ඇස යන යන තැන සුදු කොඩි පෙනීයන්
සුදු කොඩි නැති තැනදි ගොක් කොළ වැනීයන්
වැසියන් විඳින දුක රජු හට දැනීයන්
අවි තැනු උන්ගෙ ළෙහි එම අවි ඇනීයන්

කඳ බඩ වඩනවුන් සිහිනය බොඳවේවා
අඳ කළ පුතුන් නෙත් යුග මිණි පැළඳේවා
හොඳ නැති රජුන් ගේ දරුවන් හොඳවේවා
හොඳ නැති පුතුන් තැනු රජවරු වඳවේවා

දෙබරයට ගල්ගැසීම,පවුකාරයාට ගල්ගැසීම සහ බුද්ධාගම බඩයාම.

දෙබරයකට ගල් ගැසීමේ ක්‍රම දෙකක් තිබේ.පළමුවැන්න නම් කාටවත් නොකියා හොරෙන්ම ගොස් දෙබරයට ගල් ගැසීමයි.දෙවැන්න නම් දෙබරයට ගල් ගසන්නට තමන් යන බව ප්‍රසිද්ධකර ඊට විරුද්ධ වන උදවියගේ බලවත් වි‍රෝධය මැද විරෝධතාකරුවන් පිරිවරාගෙන ගොස් දෙබරයට ගල් ගැසීමයි.මෙයින් පළමු ක්‍රමයේ කිසිම ආතල් එකක් නැත.දෙවැනි ක්‍රමය ෆුල් ආතල්ය.දෙවැනි ක්‍රමයේදී ඇවිස්සෙන දෙබරුන් ආතක් පාතක් නොබලා විරෝධතාකරුවන්ටද අනියි.වි‍රෝධතාකරුවන් දුවන්නේ මර විලාප නඟමින් ඇඟේ රෙදිත් නැතිවය.එවිට විරෝධතාකරුවන්ගේ නිරුවත නිකම්ම හෙළිවේ.

පසුගිය ආන්දෝලනාත්මක ලිපි දෙක ලිවීම නිසා බෝහෝ පුද්ගලයන්ට බුද්ධාගම බඩඑළිය යාමට පටන්ගෙන තිබේ.සමහරුන්ට පින් පවු මතක්වී තිබේ.පිස්සා පණපිටින් අපායට දක්කන්නටද පිස්සාගේ දත් කුට්ටම හලන්නටද වොලන්ටියර්ස්ලා හිටු කියා බිහිවෙමින් පවතී.සමහරු ස්වයංවින්දනය කරන්නටද පටන්ගෙන ඇත.පිස්සා උපතින් බෞද්ධයකු බවට හඳුනාගෙන ඇති පිංවතෙක්ද සිටියි.ලංකාවේ උප්පැන්න සහතික වල ජාතිය මිස ආගම සටහන් නොවන බව මේ පිංවතා නොදනියි.
මේ එළිදරව් වන්නේ බහුතර බුද්ධිමත් ශ්‍රී ලාංකීය ජනතාව නමැති ගොබ්බයන්ගේ නිරුවතයි.කස්ටිය සෙට්වී පවුකාරයාට ගල් ගසනවිට තමනුත් ගලක් ගසා හුරේ දැමීමද,සද්දය දමා ලොකු කටකින් කියන ඕනෑම දෙයක් අගමුල නොසොයා ඇත්ත යයි පිළිගැනීමද මේ ගොබ්බ සේනාවේ ප්‍රතිපත්තියයි.ලංකාවට හෙණ ගැසී ඇත්තේද ඉදිරියටත් හෙණ ගහන්නේද මෙවැනි ගොබ්බයන් නිසාය.

බුද්ධ පරිනිර්වාණයෙන් වසර 2500 ක් ගිය තැන පටන් බුද්ධාගමෙහි පිරිහීම ඇරඹෙන බවත්,එය විවිධ ස්වරූපයන්ගෙන් ජනතාව මුළා කරවමින් නොමඟ යවන බවත්,අවසානසේ භික්ෂුව යනුවෙන් පෙනී සිටින්නේ කහ පැහැ නූලක් අත පැළඳගත් පෘතග්ජනයින් බවත් බුදුන් වහන්සේ විසින්ම දෙසා වදාළ බව පිස්සා ශ්‍රවණය කර ඇත.
මේ විනාශය දැනට බොහෝ කලකට පෙර සිට ඇරඹී ඇති බව පිස්සා දනියි.බුද්ධාගම යනු හුදෙක් නිවන්යාම හෝ අපාගතවීම යන දෙක පමණක්ම නොවන බව මහජනයාට අවබෝධ කරවන්නට වර්තමානයේ බොහෝ චීවරධාරීන් අසමත්ය.ඒ වෙනුවට දැන් ඔවුන් කරනුයේ බුද්ධාගමේ නාමයෙන් මැජික් පෙන්වීමයි.මුග්ධ මහජනයා මැජික් සරණ යැවීමයි.

ලංකාවේ සිංහල බෞද්ධකම ඇඟට ගෙන උඩපනින බහුතර ජනයා බුද්ධිමය අතින් අන්ධය.''ඔන්න කණෝ පිනුම්''කියා කණාට පිනුම් පෙන්වූ ආකාරයටම මේ බෞද්ධයින්ට මැජික් පෙන්විය හැකිය.මේ අමනයින් තමා ප්‍රෝඩාවකට අසුවී ඇති බව දැනදැනත් අන් අයගේ උපහාසයන්ට ලක් වේ යයි බියෙන් සත්‍යය ගිල දමා සාදුකාර දෙති.
මෙසේ බුද්ධාගමේ නාමයෙන් චීවරධාරී ස්වරූපයෙන් හෝ ප්‍රාතිහාර්ය වල ස්වරූපයෙන් බුද්ධ ධර්මය විකෘති කිරීමට උත්සාහ ගත් අවස්ථා හා උත්සාහ ගන්නා අවස්ථා වහෙන් ඔරෝ භාෂාවෙන් නොව කෙලින්ම දැක්වීමට පිස්සා සූදානම්ය.එයින් සිදුවන්නේ මෙම ලිපිය කියවා අවසානයේ පිස්සා අපාගත වේවායි ප්‍රාර්ථනා කර පහන් සිතින් පන්සිල් ගෙන නිදිවදින බුද්ධිමතුන් සංඛ්‍යාව වැඩිවීම බව පිස්සා නොදන්නවා නොවේ.එහෙත් පිස්සා අපාගත වෙන්නට භය නැත.යකාට බය නම් විමානයේ ගෙවල් හදන්නේ නැත.
මෙන්න උදාහරණ කිහිපයක්;

01.දොළුකන්දේ හාමුදුරුවෝ(බුදුගුණ අනන්තයි කියමින් මහජනයාගේ කණකර ගසාකෑ පල් හොරා)-මොහු දැන් ඉන්නා තැන සිංහල බෞද්ධයන් දන්නවාද?

02.අලවතුරේ විජිතවංශ(කවි බණ කැසට්කර විකුණන හොර දෙටුවා)

03.එල්ලාවල මේධානන්ද ප්‍රමුඛ ‍චීවරධාරී හොර නඩය-සෝම හිමියන්ගේ මරණය වෙනුවෙන් ස්වාධීන කොමිසමක් ඉල්ලමින් දේශපාලනයට පැමිණි මොවුන් දැන් ඉන්නේ කොහේද?කරන්නේ කුමක්ද?

04.රුවන්වැල්ලේ වෙද හාමුදුරුවෝ හෙවත් ඒ.සොභිත හෙවත් අංකොක්කාවේ සෝභිත-වශීගුරුකම්,ධනලාභ,මගුල් තුලා ගැන දිනපතා ස්වර්ණවාහිනියේ ඊසි ටීවී පටියේත් පත්තර පිටු පිරෙන්නත් ඇඩ් දමන මේ පින්වත් ස්වාමීන්වහන්සේ ගැන සිංහල බෞද්ධයන් දන්නවාද?මේ උන්නාන්සෙ බුද්ධාගමේද?

05.කිරිබත්ගොඩ ඥානානන්ද-මහජනයා තවමත් ලණුව ගිලිමින් සිටින නිසා වැඩි විස්තර නොලියමි.

06.රිචඩ් අභ්‍යාස පොත් අනුග්‍රහයෙන් කැමරවට බණ කියන බණ්ඩාරවෙල අමිතානන්ද-මහජනයා තවමත් ලණුව ගිලිමින් සිටින නිසා වැඩි විස්තර නොලියමි.
මේවා උදාහරණ වශයෙන් ගත් සිදුවීම් කිහිපයක් පමණි.තවත් බොහෝ සිදුවීම් ඇත.ඉදිරියටත් මෙවැනි අය බිහිවනු ඇත.ඉදිරියටත් මහජනයා මේ තක්කඩින්ට රැවටෙනු ඇත.තිත්ත ඇත්ත එයයි.

ඉතින් සිංහල බෞද්ධයනි ඉදිරියට වරෙවු පවුකාරයාට  ගල් ගසන්නට!

බඩේළිය යාමෙන් පසු දුටු වෙසක් සිහිනයේ ඉතිරි කෑල්ල.....

සීයෙ දැං වෙලාව කීයට ඇද්ද හැබෑටම.

පාන්දර තුනයි යකෝ....තෝ මෝටාර් ගහන සද්දෙටයි මමත් ඇහැරුණේ....බඩේළිය ගියාද යහමිං?

හප්පා කියල වැඩක් නෑ සීයෙ,සුනාමි සහනාදාර ආව වගේ නස්පුක් වෙන්නම ගියා.ඊයෙ පයිඩ් රයිස් දංසලකිං කෑවෙ.

මං තොට කියල තියෙනව නේද මළපෙරේතය වගේ කොටා බාන්න එපැයි කියල......කමන්නෑ....දැං පළයං,ගිහිං බුදියගනිං...ඉටිබිසෝ ගාතාව කියල නිදාගං වල්බූත හීන පේනවට......

මම ඉටිබිසෝ ගාතාව නව සංගීතයට අනුව මතුරා පැදුරු කඩමාල්ලේ ඇලවුණෙමි.

යන්තම් ඇහැ පියවෙන විටම ඩිරිම් චැනල් එක නැවත ඔන් විය.

හක්කේ බුදුරැස් ප්‍රසංගයේ බෝඩ් ලෑලි ගලවාගෙන මහා දාරාණිපාත වරුසාවක් වැටෙමින් පැවතුණි.සරදාවන්ත පින්වත්තු හිස හැරුණු අතේ ගොස් වල් වැදී සිටියෝය.හතරවටින්ම වතුර ගලා පළාතම නන්නත්තාරවී තිබෙනු පෙනුණු අතර සැදැහැවත් උපාසක ගොල්ල කිහිප දෙනෙක්ම ෂෝට් කට් වලින් සුවර්ගස්තවී  සිටියෝය.මේ දහමර යුද්දය අස්සේ පින්වත් සුවාමීන්නාන්සේලා වාහන වලට සිග්නල් දමමින් සිටියෝය.
''ප්‍රිය නරබන්නනි,මෙන්න කිසිම විසේසයක් නැති නිවුස්සෙකක්.ක්‍රීබත්ගොඩ අන්ප්ලග්ඩ් හෙවත් හක්කේ බුදුරැස් ප්‍රසංගයට කිසිදු ආකාරයක බාදාවක් සිදුවීනැත.සැදැහැවත්තු තවමත් එම ස්තානයේ චිත්ත පිරිතියෙන් බල්ටි ගසමින් සිටිති.හතරවටේටම නස්පුක් වෙන්නට වැස ඇති නමුත් ප්‍රසංග බූමියට කිසිදු වැස්සක් වැටී නොමැත.හමුදා කාරයින්ට ...කේ අමාරුව හැදී එම ස්තානයට වියළි ආහාර ද්‍රව්ය පාර්සල් අහසින් දමා ඇත.මෙය මහ රජ්ජුරුවන් අපහසුතාවයට පත්කිරීමට විදේශ බලවේග සමඟ එකතුවී විපස්සය කළ කුමණ්ත්‍රණයක්දැයි හෙවීමට දැං කටයුතු කොරගෙන යනු ලැබේ.

ඔව් අපි දැං නැවතත් යොමුවෙමු බවුද්දාලෝක වෙසක් මංගල්ලයට.සාදු....සාදු ‍ප්‍රේක්සක හිතවතුනි,ඔන්න සරුවඤ්ඤ දාතු වඩම්මං එනව පොරදර්සනේට.පිටිපස්සෙං එන්නේ භය භිරන්ති බිසවුන්නාන්සෙ.බලංඩ එපෑයැ හැඩ ඉටි බිසවුන්නාන්සෙ කෙනෙක් වගේ.ඔන්න දැං භිරන්ති බිසවුන්නාන්සෙ මල් වට්ටියක් තියල සරුවඤ්ඤ දාතු වලට ආසිර්වාද කොරනව.සාදු....සාදු......

ඉස්සර නම් පිංවත් ජහමනයාට සරුවඤ්ඤ දාතුවල පිහිටයි ආරස්සාවයි.අද ඉඳං ඔක්කෝටම භිරන්ති බිසවුන්නාන්සෙගෙ පිහිටයි ආරස්සාවයි.සාදු....සාදු.....සාආආආආආආආ............

ක්‍රීබත්ගොඩ ඤානානන්ද Unplugged with Wimal.

ඔඳයි හිතවතුනි හිතවතියනි,ඔබ සැම පුල පුලා බලාසිටි ආනන්දනීය සංගීත සන්ධ්‍යාව තව ඉතාම සුළු මොහොතකින් ආරම්භ වෙනවා.ඇත්තෙන්ම හිතවත් ප්‍රේක්ෂකයිනි මෙය අයිතිහාසික අවස්තාවක්......බර්ර්ර්.......පුඃපුඃ පුඃ.......සමාවෙන්න මට මයික් එකේ වල්ගෙ පෑගුණා......ටක්.....ටක්.....ටක්....බර්ර්ර්ර්ර්......කීඊඊඊඊඊඊඊඊඊඊඊං.........

ඇත්තෙන්ම මෙය අතිසයින්ම අයිතිහාසික අවස්තාවක්.තාරුණ්‍ය‍යේ අසහාය ගායක ක්‍රීබත්ගොඩ ඤානානන්ද සමඟ ප්ලග් ගැලවීමේ සූර විමල් විරියවංස ප්‍රතම වතාවට ඔබ සැම පිනවීමට අත්වැල් බැඳගෙන තිබෙනවා.ලෝක බැංකු ප්ලග් ගැලවීමෙන් සම්මාන රාසියක් දිනාගෙන ඇති එතුමා දැං අප හැම ආනන්දයෙන් පුරඤ්ඤාවටත් පුරඤ්ඤාවෙන් ආනන්දයටත් දක්කනවා ඇත.ටක්....ටික්....කීඊඊඊඊඊඊං.......අඩෝ ඩප්පි සිරා මොන ලබ්බක් කරනවද ඔය සවුන්ඩෙක කොන්ටෝල් කරපං....පුඃපුඃපුඃ.....අරිද...පුඃ...අරිද.....ඕකේ...ටෙස්ටිං වන්ටූ...මාටිං....සූටිං....ජස්ටිං...පොන්ටිං.....වන්..ටූ.....ත්‍රී.....අරි....ඔඳයි දැං ඔය ලොකු පිරකර අරං ආපු උදවිය ලිහමු බලන්න පාර්සල් ටික.එළකිරි වගේ බඩු ටික තියෙන්න ඕන..අප්පට හුඩු මේ ගල් නේද..අපේ උතුමාණන් වහන්සේ මේ දවස්සල ගල් වලඳන්නෙ නෑ.ඔය විස්කි පිරිකර ගෙනාපු අය මේ පෝලිමෙං එන්ඩ වීඅයිපී ටිකැජ්ජන්න.ගල් ගෙනාපු අය මේ පෝලිමේ එන්ඩ සෙකන්ඩ් ක්ලාස් ටිකැජ්ජන්න.උතුමාණන් වහන්සෙ වස්සාන කාලයේදී ගල් වලඳනවා ඇත.බ්‍රීං..........පීඊක්.......අඩෝ කාගෙ පුතාද ඔය වෑර් එක පෑගුවෙ.පොරකන්ඩ එපා හත්තිලව්වෙ...මෙහෙං බෑ මෙහෙං බෑ.අර පෝලිමට යන්න වද නොදී.මං කිව්වනේ අංකල්...කොකාකෝලද ගෙනාවෙ?එහෙනං ගැලරි ටිකට් තමයි පුතෝ......කොහෙද යන හාල් කෑල්ලක් බං......මළ ගෝත කරුමෙ.අත ළඟ තියන පංසලක් වැඳගන්නෙ නැතුව මෙතෙන්ට එනව අපිට පවු දෙන්න...බ්‍රීඊං.......අඩෝ මං සැරයක් කිව්වනේ කාගෙ පුතා උනත් කමන්නෑ ඔය වෑර්එක උඩිං බැහැපියව්.

අරි අරි....දැං ඇමෝම අයිං වෙන්ඩ ක්‍රීබජ්ජොඩ උන්නාන්සෙ හුරේ රන් එකේ වැඩගෙන එනව.දැං අපි හක්කේ බුදුරැස් ප්‍රසංගය පටාං ගන්නයි යන්නෙ.මියුසික් සීදුව සකුරා,රැප් කෑලි හාල්පන්දෙණයෙ හකුරාගෙන්.

චිස්....චිස්....ඩිං .....ටික්....ඩිඩිං....පුඃපුඃ.....

ඒයි අන්න මාර කෑල්ලක් ඉන්නව.....හිමිං යකෝ හිමිං....ගොබ්බයෙක් වගේ කෙලිං බලන්නෙපා හිමීට මිටර් කොරහං......ඔන්න උඹේ ඒරියල් එකත් කෙලිං වෙල.අඩේ එළ කෑල්ල බං......

ක්‍රීබත්ගොඩට බල්ලො පැනපි කිව්වලු.බලපල්ලකො උන්නාන්සෙගෙ ආනුබාව.මේ බලහං හෙණ ගගහ මල් වැස්සක් වහිනව බං.වලාහක දෙයියොත් හක හක ගගා දෙකාණෙංම අසිර්වාද කොරනව වගේ.

ඔඳයි  හිතවතුනි මුලිංම අපි ක්‍රීබත්ගොඩ හායි කියල වේදිකාවට පිළිගන්නව.අපි ඔබ වහංසෙට ක්‍රීබත්ගොඩ කියංඩද නානනන්ද කියංඩද?......උන්නාන්සෙ ටිකක් ඔමරි කොරනව.විළි ලැජ්ජාවෙ වගේ.කමන්නෑ.....මොකද්ද අද පළමුවෙං  කියන ටැක් එක්.ඔඳ ෆාස්ට් ටැක් එකක් කියමු නේද?

ආ....එළ එළ ගාන්ඩ මල්ලි අප්පුඩියක්.......මෙන්න පළමුවෙංම අතුරලියේ රතන සූත්‍රය රී මික්ස්.
බ්‍රීං.....කීක්....අඩෝ දැං නං ඉතිං මට මළ පනිනව.මං ඔය පුතාලට හිංගලෙන් කිව්ව නේද වෑර් එක පාගන්ඩ එපයි කියල.
ඩෝං....ඩිං ඩිං.....ඩෝං..... පටෝං......

අඩා සිරා එන පොට හරි නෑ.....හෙණ ගහනව නේද බං?දුවමු දුවමු.....දැං ඉතිං ඔය පිංවත්තුත් සර්දාව ඉණේ ගහගෙන දිරාමාරු ‍වෙංඩ.
ඩෝං....‍ඩෝං....ඩෝං......

අඩේ හුජ්ජ කොල්ලෝ.....තෝ මොනවද ඊයෙ දංසල් වැඳල කොටා බෑවෙ.දුවපිය වැසිකිළියට.....ගන්දස්සාරෙ බෑ......

සීයා මගේ ....ට පයින් ගසා ඇහැරුවේය.මම නිදිමත විකාරයෙන්ම වැසිකිළියට සම්ප්‍රාප්ත වුණෙමි.
ඩෝං....ඩෝං...‍ඩෝං......

Vícios não Virtudes

Os vícios são uma droga.Não digo literalmente,embora algumas vezes seja literalmente,mas o que eu quero dizer é que são uma porcaria.

São parasitas que nos consomem,são um caminho curto para o abismo que leva ao fundo do posso.

A foto que ai está foi tirada por mim,é uma representação.Para mostrar que os vícios são uma prisão de muros altos,que nem sempre são vistos(olhe com atenção a sombra no chão),mas nem por isso deixam de ser bem reais.

A verdade é que os malditos tem o poder de fazer você se perder de si mesmo e viver pra sacia-los.

Trazem á tona o que há de mais sujo no ser humano,e tira sua liberdade,tá certo que nem todos tem o poder de te derrubar de uma vez,mas vicio é vicio e não queira sentir o que é sentir na pele o que é querer de livrar de um e não conseguir.